बैशाख २० सिरहा गोलबजार नगरपालिकाले ५० प्रतिशत अनुदानमा किसानहरुलाई स्प्रेयर ट्याङ्की वितरण गरेको छ । चालु आर्थिक वर्षको स्वीकृत बार्षिक कार्यक्रम बमोजिम कृषि शाखाले ५० प्रतिशत अनुदानमा दुई सय ३७ जना किसानलाई स्प्रेयर ट्याङ्की वितरण गरेको हो ।

कृषि शाखाले गत चैत १९ गते प्रकाशित सूचना अबधिभित्र निवेदन दिएकामध्ये दुई सय ३७ जनालाई चार्जेवल न्यायपस्याक स्प्रेयर वितरण गरिएको नगर प्रमुख श्याम कुमार श्रेष्ठले जानकारी दिए ।
उहाका अनुसार तोकिएको समयभित्र दुई सय ८० जनाले आबेदन दिएका थिए ।

जसमध्ये पालिकाको स्वीकृत बजेटको आधारमा वितरण गरिएको जनाए । भ्याट सहित चारहजारमा खरिदगरेको चार्जेवल न्यायपस्याक स्प्रेयर किसानले दुई हजार र नगरपालिकाले दुई हजार लगानी गरेर खरिद गरिएको कृषि शाखा प्रमुख वीरेन्द्र यादवले जानकारी दिए ।

शाखाले औपचारिक कार्यक्रमको आयोजना गरी नगर प्रमुख श्याम कुमार श्रेष्ठले किसानलाई स्पे्रयर हस्तान्तरण गरेको छ ।