काठमाडौं ।  नेपाली बजारमा केही दिनयता उकालो लागेको सुनको मूल्य मंगलबार स्थिर रहेको छ ।

सोमबार तोलामा १ हजार ६०० रुपैयाँले बढेर ३ लाख ६ हजार ८०० रुपैयाँ पुगेको छापावाल सुनको मूल्य मंगलबार स्थिर रहेको नेपाल सुनचाँदी व्यवसायी महासंघले जनाएको छ । महासंघका अनुसार मंगलबार अघिल्लो दिन सोमबारकै सुनको मूल्य ३ लाख ६ हजार ८०० रुपैयाँमा कारोबार भइरहेको छ ।

यस्तै, मंगलबार चाँदीको मूल्य तोला १५ रुपैयाले घटेर ४ हजार ७५५ रुपैयाँ पुगेको महासंघले जनाएको छ ।

सोमबार चाँदीको मूल्य तोलामा ६० रुपैयाँले बढेर ४ हजार ७७० रुपैयाँ पुगेको थियो । आइतबार चाँदीको मूल्य तोलामा ५० रुपैयाँले बढेर ४ हजार ७१० रुपैयाँ थियो ।