सिरहा -बैसाख २२
गोलबजार, सिरहा – वैशाख २२ सिरहाकाे गोलबजार नगरपालिका वडा नं. ८, भाइजी टोलस्थित आधारभूत विद्यालयकाेे दुई कोठे नयाँ भवनकाे शिलान्यास गरिएको छ। आज आयोजित विशेष कार्यक्रममा गोलबजार नगरपालिकाका नगर प्रमुख श्याम कुमार श्रेष्ठले भवनको शिलान्यास गरिएको हो।

करीब २३ लाख ७५ हजार रुपैयाँ लागतमा बन्ने उक्त भवनले विद्यालयको भौतिक संरचना सुदृढ पार्ने विश्वास गरिएको छ। कार्यक्रममा उपप्रमुख  मान्ती शाह वडा अध्यक्ष श्री देबनरायन महतो तथा विद्यालयका सदस्यहरूको उपस्थिति रहेको थियो।

शिलान्यास गर्दै नगर प्रमुख श्रेष्ठले शिक्षालाई गुणस्तरीय बनाउने उद्देश्यले नगरपालिका सदैव प्रतिबद्ध रहेको बताउनुभयो। साथै विद्यालय प्रशासनले भवन निर्माणपछि विद्यार्थीहरूलाई थप सहज र अनुकूल पठनपाठन वातावरण सुनिश्चित गरिने जानकारी दिएको छ।