सिरहा, १ असोज। सिरहा प्रहरीले स्रोत नखुलेको १४ लाखभन्दा बढी रकमसहित तीनजनालाई नियन्त्रणमा लिएको छ। लहान भगवानपुर सडकखण्डको सखुवानन्कारकट्टी ५ बाट १४ लाख १९ हजार आठ सय ९० रुपैयाँ सहित उनीहरुलाई पक्राउ गरेको जिल्ला प्रहरी कार्यलय सिरहाले जनाएको छ। हुण्डी कारोवारीहरु स ९ प ११६२ नम्वरको मोटरसाइकलमा भगवानपुर चोकबाट उत्तरतर्फ आईरहेको विशेष सूचनाको आधारमा इलाका प्रहरी कार्यालय भगवानपुर बाट खटीएको प्रहरी टोलिले सप्तरीको राजविराज १० का ५७ वर्षिय मजित मियाँ आठ लाख १४ हजार आठ सय ९० रुपैयाँ र सोही ठाउँ बस्ने २८ वर्षिय मोहमद अलाउदिनको साथबाट दुई लाख चार हजार पाँच सय र स्थानीय २३ वर्षिय अजय चौधरीको साथबाट चार लाख पाँच सय रुपैयाँ बरामद गरेको जिल्ला प्रहरी कार्यालय सिरहाका सूचना अधिकारी मुक्तिनाथ साँपकोटाले जानकारी दिए। यस सम्वन्धमा थप अनुसन्धान भईरहेको जिल्ला प्रहरी कार्यालय सिरहाका सूचना अधिकारी मुक्तिनाथ साँपकोटाले जनाएको छ ।