धनुषामा सामान्य विवाद हुँदा एक जनाको हत्या भएको छ । फोहोर उठाउने विषयमा विवाद हुँदा एक जनाको हत्या गरिएको धनुषा प्रहरीले जानकारी दिएको छ । धनुषा प्रहरीका अनुसार हत्या हुनेमा सिराहा नगरपालिका वडा नम्बर ३ निवासी राकेश कुमार बर्मा रहेका छन् ।फोहोर उठाउने विषयमा विवाद हुँदा ज्यालादारीमा काम गर्ने अर्का कर्मचारी प्रकाश यादवले बेल्चाले प्रहार गर्दा बर्माको मृत्यु भएको धनुषा प्रहरी प्रमुख भुवनेश्वर तिवारीले बताए ।

उनी धनुषा नगरपालिका वडा नम्बर ३ निवासी रहेको प्रहरीले जानकारी दिएको छ । पक्राउ परेका यादवसँग घटनाबारे सोधपुछ चलिरहेको धनुषा प्रहरीले जनाएको छ । धनुषा प्रहरीका अनुसार मृतक पूर्व पत्रकार पनि थिए ।

घटनास्थलमा पुगेको प्रहरीले शवको मुचुल्का उठाउने काम गरिरहेको धनुषा प्रहरी प्रमुख तिवारीले बताए ।