सिरहा, सिरहा प्रहरीले १५ वर्षिया बालिकामाथि जवरजस्ती करणी गर्ने प्रयास गरेको आरोपमा एक युवकलाई नियन्त्रणमा लिएको छ । घटनापश्चात फरार रहेका कर्जन्हा नगरपालिका ४ बडहराका २२ वर्षिय शुशिल सदायलाई विशेष सूचनाको आधारमा आफ्नै घरबाटै शनिवार विहान प्रहरीले पक्राउ गरेको हो ।

घटनापछि फरार रहेका सदाय घरमा आएको भन्ने विशेष सूचनाका आधारमा ईलाका प्रहरी कार्यालय बन्दिपुरबाट पुगेका प्रहरीले नियन्त्रणमा लिएको जिल्ला प्रहरी कार्यालय सिरहाका प्रमुख एसपी रमेश पण्डितले जानकारी दिए । घटनाको सम्वन्धमा थप अनुसन्धान गरिरहेको जिल्ला प्रहरी कार्यालय सिरहाका प्रमुख एसपी रमेश पण्डितले बताएको छ ।