सिरहा, १४ चैत। गोलबजार नगरपालिकाको आयोजनामा सातौं गोलबजार मेयर गोल्ड कप फूटवल प्रतियोगिता हुने भएको छ। नगरपालिकाको आयोजनामा गोलबजार २ गुरुधामको खेल ग्राममा भोली विहिवारबाट अन्तर्राष्ट्रिय फूटबल प्रतियोगिता हुन लागेको गाेलबजार नगरपालिकाले जनाएको हो।

प्रतियोगितामा नेपाल र भारतका एकसहित आठ वडा फूटबल टिम सहभागी हुने नगर प्रवक्ता संजित लामाले जानकारी दिए। प्रतियोगिताको आज पत्रकार सम्मेलनगरी नेपालका विभिन्न ठाउँका सात र भारती यूपीको बनारसका एक टीम प्रतियोगितामा सहभागी हुने जनाएको छ ।

प्रतियोगितामा प्रथम हुने टिमले तीन लाख ५१ हरजार र दोस्रो हुने टिमले दुई लाख एक हजार नगदसहित ट्रफि प्राप्त गर्ने नगर प्रवक्ता लामाले जानकारी दिए।

उनका अनुसार भोली १५ गतेको उद्घाटन खेल बागमती युवा क्लव सर्लाही र गोलबजार स्पोर्टस क्लव गोलबजारबीच हुने जनाएको छ।

त्यसैगरी १६ गतेको खेल मुनाल फुटवल क्लव विराटनगर र बिरगञ्ज यूनाईटेट पर्सा, १७ गतेको चाल्या सा पुस्तकालय दमक झापा र मकमानपुर १ हेडौडा र १८ गतेको खेल माँ कामाख्या स्पोर्टस क्लव भारतको यूपी बनारसविच हुने जनाएको छ।

प्रतियोगिताको फाईनल खेल २२ गते र एक दिन अघि २१ गते एक दिवसिय मैत्रीपूर्ण महिला पफूटवल प्रतियोगिता हुने पत्रकार सम्मेलनमा जानकारी दिएको छ।
प्रत्यक खेलमा म्यान अफ द म्याच घोषीत खेलाडीलाई तीन हजार नगर पुरस्कार प्रदान गरिने जनाएको छ।