भदौ ३० काठमाडौं  पेट्रोलियम पदार्थको मूल्य वृद्धि भएको छ। भारतबाट पेट्रोलको मूल्य वृद्धि भएर आएपछि स्वचालित मूल्यअनुसार नेपालमा पनि पेट्रोलियम पदार्थको मूल्य वृद्धि भएको हो।

जसअनुसार पेट्रोलमा एक रुपैयाँ र डिजेल र मट्टितेलमा तीन रुपैयाँले मूल्य वृद्धि भएको हो। नेपाल आयल निगमको सञ्चालक समितिक बैठकले शुक्रबार राती  १२ बजेदेखि लागू हुनेगरी मूल्य वृद्धि भएको हो।

निगमका अनुसार भारतबाट पेट्रोलको मूल्य १।१४ रुपैयाँ र डिजेल र मट्टितेलमा २।९१ रुपैयाँले वृद्धि भएर आएको हो। ग्यासको मूल्य भने यथावत राखिएको छ।

काठमाडौंमा अब पेट्रोलको मूल्य १८३ रुपैयाँ पुगेको छ भने डिजेल र मट्टितेलको मूल्य १७३ रुपैयाँ पुगेको छ।