डाक्टरको भोटमाग्ने शैलीः थाईराईड ठीक छ ?

हरियो पाटी

हरियो पाटी

512
SHARES
702
VIEWS

चितवनः भोट माग्न हिड्दै गर्दा भरतपुर महानगरपालिका वडा नं. २१ पार्वतीपुरमा आफ्ना एक बिरामीलाई यसै क्षेत्रका प्रतिनिधिसभाका उम्मेदवार डा. भोजराज अधिकारीले माईकबाट ‘थाईराईड ठीक छ ?’ भनेर गरिएको प्रश्न टिकटकमा यतिबेला धेरैले हेरिरहेका छन् । फिजिसियन डा. अधिकारीले उक्त क्षेत्रका धेरै बिरामीको थाईराईड, उच्च रक्तचाप, मधुमेह जस्ता दीर्घरोगको नियमित परीक्षण गर्दै आउनु भएको थियो ।

आफ्नो बिरामी देख्ने वित्तिकै डा. अधिकारीको पहिलो प्रश्न हुने गर्दछ् स्वास्थ्यको । बिमार अनुसार उहाँले अवस्था सोध्ने र बुझ्ने गर्नुहुन्छ । झण्डा हालिएको गाडीमा पछाडि भोट माग्ने अभियानमा आफ्नो क्षेत्रका धेरै मतदाता अधिकारीका नियमित बिरामी छन् । मतदाताले विकास निर्माण भन्दा स्वास्थ्यका कुरा धेरै सोध्ने गरेका छन् ।

अधिकारीसँगै प्रचारमा रहनु भएका साजन अधिकारीका अनुसार पहिलो प्रश्न उपचारकै हुने गर्दछ । लामो समयदेखि अधिकारीको परीक्षणमा औषधि खाईरहेकाहरुले जितेर आफूहरुलाई नजाँच्ने हो भने भोट नै हाल्दैनौं समेत भन्ने गरेका छन् । डा.अधिकारीले भन्नुभयो “मसँग धेरैले स्वास्थ्यको प्रश्न गर्छन् ।” हिड्दै गर्दा आफ्ना बिरामी देखेपछि सोध्न मन लाग्ने भन्दै उहाँले फकाउनका लागि भन्दा पनि अरु बेलामा झै सोध्ने गरेको बताउनुभयो । उहाँले भन्नुभयो “अरु बेलामा पनि म बिरामीलाई भेटेपछि स्वास्थ्य अवस्थाका बारेमा सोध्ने गर्छु ।”

भरतपुर अस्पताल विकास समितिका अध्यक्षबाट राजीनामा दिएर चुनावी मैदानमा उभिनु भएका अधिकारी जिल्लाका चिनिएका फिजिसियन डाक्टर हुनुहुन्छ । दुई हजारभन्दा बढी आफ्ना नियमित बिरामी आफू चुनाव लड्दै गरेको क्षेत्रमा रहेको उहाँको भनाई छ । प्रचारकै क्रममा कतिपय बिरामीहरु प्रिस्किप्सन बोकेर देखाउन आउने गर्दछन् । कतिपय जटिल बिरामीलाई डा. अधिकारी गाडीबाट झरेर अवस्था बुझी आवश्यक सुझाव दिने गर्नुभएको छ ।

औषधि सकिएकाहरुलाई थप गर्न र मंसिर १० गतेपछि अस्पताल आउन डाक्टरले सुझाव दिने गरेको सहयोगी साजनले बताउनुभयो । कतिपयले आफू डाक्टरको उपचारले निको भएको भन्दै खुशी प्रकट गर्ने गरेको साजनको भनाई छ । १० वर्षपछि राजनीति गर्ने तयारीमा रहनु भएका अधिकारी नेकपा (माओवादी केन्द्र) का अध्यक्ष पुष्पकमल दाहाल प्रचण्ड गोरखा गएपछि दाहालको उत्तराधिकारीका रुपमा चितवन क्षेत्र नं. ३ बाट उम्मेदवार हुनुहुन्छ ।

यो खबर पढेर तपाईलाई कस्तो महसुस भयो ?
शेयर गर्नुहोस:

Discussion about this post

छुटाउनु भयो कि ?

Related Posts

भर्खरै प्रकाशित