सिरहा सिरहाको नवराजपुर गाउँपालिका क्षेत्रमा सशस्त्र प्रहरीले करिब ४० लाख रुपैयाँ बराबरको ओखर, टुथपेस्ट तथा फेरन लब्लीसहित एक ट्रक नियन्त्रणमा लिएको छ ।
विशेष सूचनाका आधारमा खटिएको सशस्त्र प्रहरी बलको टोलीले स१ख ५३५ नम्बरको ट्रक नियन्त्रणमा लिएको हो ।

नेपालबाट भारततर्फ अवैध रूपमा तस्करी गर्न लागिएको आशंकामा ट्रकलाई चालकसहित नियन्त्रणमा लिइएको सशस्त्र प्रहरीले जनाएको छ ।

नियन्त्रणमा लिइएको ट्रक हाल सिरहाको सन्हैठास्थित सशस्त्र प्रहरी बल नेपाल नम्बर ७ गण सिरहामा राखिएको सशस्त्र प्रहरी नायव उपरीक्षक (डीएसपी) श्याम बाबु यादवले जानकारी दिए ।

उनका अनुसार बरामद सामानको यकिन परिमाण तथा मूल्यांकन कार्य भइरहेको छ । अहिले नै सम्पूर्ण विवरण भन्न सकिने अवस्था छैन,भोलि बिहान मात्रै सामानको परिमाण र मूल्यांकन सार्वजनिक गर्न सकिन्छ डीएसपी यादवले बताए ।

ट्रक नियन्त्रणमा लिन प्रहरी र तस्कर हरुबिच झडप समेत भएको सशस्त्र प्रहरी बल नेपाल नम्बर ७ गण सिरहाले जनाएको छ । याे बिषय थप अनुसन्धान भइरहेको सशस्त्र प्रहरी नायव उपरीक्षक (डीएसपी) श्याम बाबु यादवले जानकारी दिए ।