सिरहा, १८ भदौ ।
सिरहाको गोलबजार नगरपालिका १ मुक्सार बैरीवानमा लुटेराको एक समूहले धनमाल लुटेपाट गरेको छ । स्थानीय जागेश्वर रामको घरमा राती १२ बजेको आसपासमा १२÷१५ जनाको समूहमा आएका लुटेराहरुले नगद, सुन र चाँदीका गहनाहरु लुटेर लगेका हुन् । स्थानीयले प्रतिकार गर्दा डाकाहरु भागेका छन् ।

डाकाहरुले जागेश्वरलाई कुटपीटगरी उनको मोवाई नियन्त्रणमा लिएर नगद,सुन चाँदीका गहना लुटेर लगेको स्थानीय शिक्षक सागर पूर्वेले जानकारी दिए । शिक्षक पुर्वेले जागेश्वरलाई कुटपीट गरेर मोवाईल नियन्त्रणमा लिई सामान लुटेको बताएको छ ।

घटना लगतै मुक्सारमै रहेको प्रहरी चौकीमा फोन गरे पनि ४ घण्टा पछिमात्र प्रहरी आईपुगेको स्थानीयले बताए । उनीहरुले घटना लगतै मुक्सार प्रहरी चौकीलाई फोनमार्फत घटनाको जानकारी गराएपनि प्रहरी विहान ४ बजे पछिमात्र आईपुगेको दुखेसो गरे ।

इलाका प्रहरी कार्यालय गोलजबरलेभने सामान्य चोरीको घटना भएको जानकारी दिए। इलाका प्रमुख इन्सपेक्टर सुनिल कार्कीले ‘सामान्य चोरी भएको भन्ने सूचना आएको थियो, टोलि गएको छ । हामी सोधखोज गर्दैछौं; भने ।
उनले आफू अहिले कार्यालय बाहिर रहेकाले घटनाको बारेमा सवै जानकारी प्राप्त नभएको पनि सुनाए ।