काठमाडौँ । सत्ता साझेदार दल नेपाली कांग्रेसका महामन्त्री समेत रहेका सांसद गगन थापाले माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपाल बंगलादेश वा श्रीलंका बन्छ भनेर धम्काएको बताएका छन् ।

बिहीबारको प्रतिनिधि सभा बैठकको विशेष समयमा बोल्दै उनले ११ गतेको संसद् बैठकमा धर्ममा विश्वास नगर्ने प्रचण्डले श्राप दिएको त हैन होला भन्ने टिप्पणी गरेका हुन् ।

‘यत्रो वर्ष देश चलाएर आएका नेताले यत्रो महत्त्वपूर्ण दलले ख्याल गर्नुपर्छ भने उ सरकारको मात्र अपोजीसन हो । यो सिस्टमको भाग हो‚’ उनले भने‚‘क्षणिक कुरा पुरा गर्न र अन्तर्विरोधमा खेल्न यति धेरै बरालिनु हुन्न कि आफैँले लगाएको आगोले आफैलाई जलाउँछ ।’

उनले उत्तेजनाको राजनीतिक सजिलो चेतनाको राजनीति गाह्रो हुने भन्दै उत्तेजनाको राजनीति बिक्छ भनेर सबै त्यसैको पछि लागेको बताए ।