‘उहाँले मसित स्टाटस हटाउने कुरा गरे पनि हटाउनु भएन । त्यसपछि मैले पनि वास्ता गरिनँ । आज बिहान स्थानीय एउटा चिया पसलमा चिया पिउने क्रममा नवल यादवको भतिज प्रभु यादव आएर मलाई धाक-धम्की दिए । म त्यहाँबाट साइड लागेर औरहीको सई धर्मेन्द्र चौधरीलाई फोन गरेँ । एकजना मान्छेले मलाई धम्क्याइरहेको छ । उसले हतियार बोकेर आएको शंका लागेको छ । प्रहरी पठाइदिनुस् भनेर आग्रह गरेँ । प्रहरी आएन । त्यसपछि थप मानिसहरू जम्मा भए । विवाद बढ्न थाल्यो र स्थानीयले छुटाए । त्यसपछि म उभिइरहेको बेला नवलको भतिज प्रभु यादवले ममाथि गाँजा काट्ने हतियार (कटारी) ले प्रहार गर्‍यो । मैले हातले छेक्न भ्याएकाले धेरै चोट लाग्न पाएन । गर्दनको साइडमा हल्का चोट लागेको छ ।’