ललिता निवास प्रकरणमा पक्राउ परेकालाई धरौटीमा रिहा गर्न आदेश

हरियो पाटी

हरियो पाटी

513
SHARES
703
VIEWS

 भदौ २४, काठमाडौं— जिल्ला अदालत काठमाडौंले बालुवाटारमा रहेको ललिता निवास सरकारी जग्गा हिनामिना प्रकरणका पक्राउ परेका १८ जनालाई रिहा गर्न आदेश दिएको छ ।

आइतबार न्यायाधीश भोलानाथ ढकालको इजलासले १७ जनालाई धरौटी र १ जनालाई साधारण तारेखमा रिहा गर्न आदेश दिएको हो ।

अदालतले भाटभटेनी सुपरमार्केटका सञ्चालक मीनबहादुर गुरुङसँग २ करोड ४६ लाख, शिवजी भट्टसँग ३ लाख ३० हजार, रुद्र कुमार श्रेष्ठसँग ७ लाख ५० हजार, बालकृष्ण श्रेष्ठसँग ७ लाख ५० हजार, कलाधर देउजासँग १५ लाख रुपैयाँ धरौटी माग गरेको छ ।

त्यसैगरी घमन कुमार कार्कीसँग ७ लाख ५० हजार, गोपाल कार्कीसँग ७ लाख ५० हजार, विनोद पौडेलसँग १५ लाख, योगराज पौडेलसँग ७ लाख ५० हजार, नारायणराज मिश्रसँग ७ लाख ५० हजार, अरुण कुमार श्रेष्ठसँग ७ लाख ५० ध्रुव प्रसाद अर्यालसँग ३ लाख ३० हजार रुपैयाँ धरौटी माग गरिएको अदालतको भनाइ छ ।

त्यसैगरी बाबुराजा महर्जनसँग १ लख १० हजार, देवनारायण महर्जनसँग १ लाख १०, सकलानन्द महर्जनसँग १ लाख १० हजार, सञ्जय कुमार महर्जनसँग १ लाख १० हजार, लोकहरि घिमिरेसँग ७ लाख ५० हजार धरौटी माग गरेको छ । पक्राउ परेका केशव तुलाधरलाई भने साधारण तारेखमा छाड्न आदेश भएको छ ।

ललिता निवास जग्गा हिनामिना प्रकरणमा संलग्न भएको अभियोगमा बहालवाला सचिव कृष्णबहादुर राउत, सहसचिव सुशील वैद्य, पूर्वउपप्रधानमन्त्री विजयकुमार गच्छदारसमेत चार पूर्वमन्त्री, ६ पूर्वसचिवसहित ३११ जनाविरुद्ध जिल्ला अदालत काठमाडौंमा भदौ १० गते मुद्दा दायर भएको थियो । यसमध्ये २१ जना मृत्यु भइसकेका व्यक्ति थिए ।

प्रहरीको केन्द्रीय अनुसन्धान ब्युरो ९सीआईबी० को अनुसन्धानपछि सरकारी वकिल कार्यालयले अभियोगपत्र अदालतमा पेस गरेको थियो ।

यो खबर पढेर तपाईलाई कस्तो महसुस भयो ?
शेयर गर्नुहोस:

Discussion about this post

छुटाउनु भयो कि ?

Related Posts

भर्खरै प्रकाशित