सिरहा प्रादेशिक अस्पतालमा आगलागी,एक बिरामीको मृत्यु

हरियो पाटी

हरियो पाटी

518
SHARES
709
VIEWS

दिपेन्द्र यादव – सिरहा

सिरहा, २९ चैत। सिरहा सदरमुकामस्थित प्रादेशिक अस्पतालमा आज अपरान्ह भएको आगलागीको कारणले डायालाइसिस गराइरहेका एकजनाको मृत्यु भएको छ। अस्पतालको जेनेरेटरमा आगलागी हुँदा नजीकै रहेको डायलासिस वार्डमा उपचार गराईरहेका सिराहाको बरियारपट्टी गाउँपालिका खोक्सीका ६५ वर्षीय प्रदीपकुमार दासको मृत्यु भएको हो।
आगलागी भएपछि वार्डमा भागाभाग भएको थियो। त्यस क्रममा डायालाइसिस गराइरहेका दासलाई रगतको कमी भएकोले रगत चढाइएको थियो। आगलागी भएको जानकारी पाएपछि वार्डमा खटिएका स्वास्थ्यकर्मीले रगतको पाइप चुँडाइदिएको र क्याब नलगाउँदा बिरामीको अत्यधिक रक्तस्राव भएको थियो।
अत्यधिक रक्तस्रावका कारण गम्भीर बनेका दासको उपचारको क्रममा मृत्यु भएको अस्पतालले जनाएको छ। आगलागीको समयमा आठजना थप बिरामीले डायालाइसिस गराइरहेका थिए।
पहिलेदेखि सिकिस्त दासको उपचारको क्रममा मृत्यु भएको अस्पचालका सूचना अधिकारी अशोक सिंहले बताए।
आगलागिका कारण अरू वार्डमा भर्ना भएका बिरामीहरूको पनि भागदौड मञ्चिएको थियो। डायलाइसिस, एचडियू, प्रसूति वार्डलगायतमा भर्ना भएका बिरामी आगलागीबाट बच्न बाहिर निस्किएका थिए।
प्रहरीले जेनेरेटरको तार सर्टभएर आगलागी भएको भनियपनि घटनाबारे थप अनुसन्धान भईरहेको जनाएको छ। आगलागीबाट क्षेति नभएपनि त्रासका कारण भागदौड मञ्चिएको थियो।

यो खबर पढेर तपाईलाई कस्तो महसुस भयो ?
शेयर गर्नुहोस:

Discussion about this post

छुटाउनु भयो कि ?

Related Posts

भर्खरै प्रकाशित