काठमाडौं : सरकारले प्रधानमन्त्री निवासमा टिभी, फ्रिज, गिजर, वासिङ मेसिन लगायतका सामग्री खरिद गर्न १ करोड ४० लाख बजेट छुट्याएको छ।
पूर्वाधार विकास मन्त्रालयको संघीय सचिवालय निर्माण तथा व्यवस्थापन कार्यालयले आर्थिक वर्ष २०८३–८४ को लागि यो बजेट छुट्याएको हो।
जस अनुसार प्रधानमन्त्री निवास बालुवाटारमा मेसिनरी औजार, टिभि, फ्रिज, कम्युटर, प्रिन्टर, ल्यापटप, वासिङ मेसिन, फोटोकपी मेसिन, गिजर, सि सि क्यामरा लगायतका सामान खरिदको लागि माग र आवश्यक्ता अनुसार १ करोड ४० लाख बजेट छुट्याईएको छ।
त्यस्तै प्रधानमन्त्री निवासको बाहिरी गेटमा भेइकल स्क्यानर तथा अन्य सुरक्षा उपकरण जडान गर्न १ करोड बजेट छुट्याएको छ। प्रधानमन्त्री निवासको विभिन्न मर्मत कार्यको लागि अर्को ५० लाख बजेट छुट्याईएको छ।
राष्ट्रपति र उपराष्ट्रपतिको सरकारि निवासमा मेसिनरी औजार, टिभि, फ्रिज, कम्युटर प्रिन्टर, ल्यापटप, वासिङ मेसिन, फोटोकपि मेसिन, गिजर, सि सि क्यामरा लगायतका सामान खरिदको लागि ८० लाख बजेट छुट्याईएको छ। प्रधानमन्त्री निवास बालुवाटारमा फर्निचर फर्निसिङ कार्यको लागि ७८ लाख २० हजार बजेट छुट्याईएको छ।
सिंहदरबार स्थित संसद भवन परिसरमा जेन – जी शहिदहरुको सालिक तथा स्तम्भ निर्माणको लागि २ करोड ३० लाख बजेट छुट्याईएको छ।
पुल्चोकमा मन्त्री निवास निर्माण गर्न ५० लाख बजेट र त्यहि सुरक्षा निकायको भवन निर्माण गर्न ५० लाख छुट्याईएको छ। भैसीपाटीको मन्त्री निवासका विभिन्न भवन मर्मत सुधारको लागि ६० लाख बजेट छुट्याईएको छ।
भैसीपाटीको मन्त्री निवासमा सिसिटिभी जडान र मर्मतको लागि ५० लाख बजेट छुट्याईएको छ । भैसीपाटीको मन्त्री निवासमा स्वास्थ्य क्लबका लागि आवश्यक उपकरण खरिद गर्न ४० लाख बजेट छुट्याईएको छ।
भाडामा बस्ने मन्त्रीलाई फर्निचर किन्न १७ लाख बजेट छुट्याईएको छ। सरकारले पूर्वाधार विकास मन्त्रालयलाई कुल ९४ करोड ७७ लाख बजेट विनियोजन गरेको छ।
मन्त्रालय मार्फत हुने वित्तीय र शशर्त अनुदान सहित मन्त्रालयले कुल १ खर्ब १३ अर्ब बजेट पाएको छ।
Discussion about this post