काठमाडौँ । परिवारसँग विवादका कारण घर छाडेर हिँडेकी एक नेपाली युवती भारतमा बलात्कृत भएकी छन् । सिलगुडी हुँदै पटना पुगेकी ती युवतीलाई एक बस चालकले दुई दिनसम्म बलात्कार गरेका हुन् ।
बस चालक भारतीय नागरिक रहेको बताइएको छ । भारतीय सञ्चारमाध्यमका अनुसार पटना पुगेकी ती युवतीलाई आरोपित चालकले रोजगारीको प्रलोभन देखाएर आफूसँगै लगेका थिए ।
गान्धी मैदान बस स्ट्यान्ड नजिक रुँदै बसेको अवस्थामा फेला परेकी ती युवतीलाई पटनामा रहेका नेपाली समुदायले प्रहरी कार्यालयमा लगेर उजुरी दिन लगाएका छन् । पीडितको बयानका आधारमा प्रहरीले आरोपित चालकको खोजी गरिरहेको बताइएको छ ।
केही भारतीय सञ्चारमाध्यमले पीडित युवतीको घरमा सौतेनी आमाले कामका लागि निरन्तर दबाब दिएको र सोही कारण उनी घर छाडेर हिँडेको उल्लेख गरेका छन् । यद्यपि ती युवतीको नाम र ठेगाना भने खुलाइएको छैन । उनी चार दिन अघि घरबाट हिँडेको बताइएको छ ।
Discussion about this post